Kristófer Haukur

Elsku gullmolinn okkar var skírður á laugardaginn s.l. Hann fékk nafnið Kristófer Haukur, í höfuðið á afa sínum og móðurbróður sem eru báðir látnir eins og þið flest vitið. Það var því tilfinningaþrungin stund þegar að nafnið var gert opinbert og vorum við foreldrarnir með augun full af tárum eins og fleirri viðstaddir. 

Vildi bara láta ykkur vita, þau fáu sem líta hérna við á "rúntinum"

*kossar og knús* 

www.forskot.com

06.07.08

Sólargeislinn okkar kom í heiminn þann 6. júlí Hann var heilar 18 merkur (4495 gr) og 52 cm, með ljós skollitað hár og blá augu. Algjör draumur í dós

22. júní 2008

Í dag hefði pabbi orðið sextugur, blessuð sé minning hans. Hann var ungur maður þegar að hann féll frá eiginkonu og þremur ungum börnum, aðeins á 42. aldursári... já það er sorglegt þegar að fólk í blóma lífsins hverfur yfir móðuna miklu. Ég er nú samt það saklaus að ég trúi því að þegar ég kveð þennan heim þá muni ég eiga endurfund með honum og Hauki bróður

Annars er allt ágætt að frétta af okkur... ég er að vísu búin að vera með fyrirvaraverki í rúmar 2 vikur og langar að biðja ykkur um að senda mér hríðarstrauma... langar sjúklega að fá drenginn í hendurnar í dag

Tæpu ári seinna....

Maður er nú meira nördið.... ekki búin að blogga í tæpt ár rosalega er tíminn fljótur að líða

Yndislegt að sumarið sér komið! Allt annað að vera á steypinum yfir sumar tímann heldur en um hávetur í brjáluðu veðri, klofandi skafla Annars er biðin bara tekin við hjá mér þar sem að Brynja Björk er laus úr gipsinu... kveið því mest að pilturinn myndi láta sjá sig á meðan að hún væri enn farlama... þannig að hann má nú alveg fara að láta sjá sig hvað úr hverju þó svo að það séu nú ennþá alveg 24 dagar í settan dag

 Jamm og jæja.... langaði bara að henda niður eins og einni færslu bara upp á djókið, hver veit nema að maður komist í eitthvað bloggstuð þessa síðustu daga áður en að gulldrengurinn kemur í heiminn

  

 

 

www.forskot.com

 

Klukkuð!!!!!!!!!!!!!

Jæja gott fólk, ég er það lélegur bloggari að Ester og Elín eru búnar að klukka mig

Ég á sem sagt að telja upp 8 hluti um mig sem enginn veit..... verst hvað ég kjafta alltaf mikið um sjálfa mig

1. Ég er myrkfælin

2. Ég er örugglega með hátt í 100 ör á líkamanum

3. Ég var einungis búin að vera með Bigga í 3 mánuði þegar að ég varð ófrísk af Brynju Björk

4. Ég hef ALLTAF rétt fyrir mér

5. Þegar að ég var lítil þá dreymdi mig um að vera lögfræðingur, þeir gátu nefnilega "rifið kjaft" í sjónvarpsþáttunum 

6. Ég tek "gleðipillur"

7. Það var keyrt á mig á 100 km/klst þegar að ég var labbandi fyrir tæpum 10 árum

8. Ég borða kæsta skötu

Ég ætla að klukka Beggu, Oscar, Brynju, Birnu, Heimi, Berg, Kristján og Gróu

*kossar og knús*

Katrín

p.s. lofa að vera duglegri að blogga 

Ég er stolltur Do It meðlimur

 

Ferðasaga... hreint út sagt ÆÐI

Ég ætlaði að fara á kaffihús með mömmu og Brynju systur á fimmtudagskvöldið. Þegar að ég ætlaði að skipta um föt var ég að furða mig á því hvar öll fötin mín voru en spáði svo ekkert meira í því.
Þegar að við vorum á leið út úr húsi var mér tjáð að ég væri á leið í óvissuferð, þannig að ég kvaddi mann og barn og hélt út í bíl.
Þegar að við höfðum sótt Leó bróður var förinni haldið á "kaffihús", það var keyrt í gegnum Hafnarfjörð, framhjá Grindavík og svo inn í gamla bæinn í Keflavík.... ég var farin að hristast úr hlátri yfir mömmu og Brynju sem voru að þykjast finna eitthvað hús, hahaha.
Svo lá leiðin að Leifsstöð.... ég fékk ekkert að vita fyrr en við vorum að tékka okkur inn og maðurinn spurði.."Stokkhólmur eða Kaupmannahöfn" - og það var Köben:)
En til að gera langa sögu stutta þá fórum við 5 til Köben, ég, mamma, Brynja sys, Leó bró og Sverrir Leó sonur Brynju og leigðum alveg frábæra íbúð í Fredriksberg. Ég hitti Önnu Lilju á flugvellinum en hún var að fara til Köben að leita sér að íbúð. Það fyndna við það er að svo vorum við að leigja íbúð í sama húsi og Anna Lilja og vinkonur hennar.... þannig að ég skellti mér á djammið með þeim eitt kvöldið:)
Það var sem sagt mikið verslað, mikið borðað og drukkið mikið öl um helgina
*kossar og knús*
Katrín

Just Do It

Ekki vildi ég vera mamman.....

.... og lesa allar bloggfærslurnar um þessa frétt Ég ætla ekki að dæma einn né neinn, ég var ekki á staðnum.

Enn yfir í annað alvarlegra mál - Ásta Lovísa lést í dag. Ég þekkti þessa stelpu ekki neitt en las stundum bloggið hennar og dáðist af baráttuþreki hennar. Þessi stelpa var ótrúleg hetja! Mig langar að hvetja alla sem lesa þetta að biðja fyrir börnunum hennar þremur, ég finn svo til með þeim

Elsku vinir, njótið lífsins! Það er alltof stutt til að sleppa því

*kossar og knús*

Ég er stoltur Do It - meðlimur

Lítil stúlka hætt komin í sundlaug

Ósáttur.... hmmm....

Ég myndi nú frekar segja að hann væri í fýlu Ætli tilvonandi samgönguráðherra muni fá minni séns en aðrir í ræðustólnum með Sturlu sem forseta Alþingis????

 

Ég er í Do It - hópnum

Sturla: Ósáttur við að hverfa úr samgönguráðuneytinu

Glataður bloggari

Jæja gott fólk!

Núna er ég ekki búin að blogga í rúman mánuð og geri aðrir betur ég skal reyna að standa mig betur hér eftir

Það er allt gott að frétta af okkur famelíunni. Ég er búin að ljúka 1. árinu í viðskiptafræðinni gekk barasta vel í prófunum og er byrjuð að vinna. Svo erum við komin með heitan pott í garðinn þannig að maður ætti að getað sólað sig eitthvað í sumar með bjór í annarri og sígó í hinni

*kossar og knús á liðið*

Katrín

Ég er í Do It-hópnum

Guðni kallinn

Þó svo að ég sé engin framsóknarkona þá þykir mér alltaf vænt um Guðna kallinn Hann og pabbi voru saman í bændaskólanum á Hvanneyri í denn og svo er ég vinkona dóttur hans, Agnesar. Hann er góður maður hann Guðni.

Ég er ekki frá því að hann hafi halað inn einhver atkvæði fyrir framsóknarflokkinn á þessu viðtali (sjá link fyrir neðan) þar sem hann gefur í skyn að framsókn ætli ekki að vera í ríkisstjórn aftur með íhaldinu sem eru eins og kóngar í ríki sínu og halda að þeir stjórni landinu einir hahaha... Ég er svo að vona að íhaldið verði sett út í kuldan í a.m.k. eitt kjörtímabil svona aðeins til að kæla í þeim rostann

Segjum þetta gott kæru lesendur

Over and out

Katrín sem vill endilega að þið kommentið á færslurnar hjá sér

Heimasíða

 

Guðni: Sjálfstæðisflokkurinn virðist stikkfrí í umræðunni